Надирова Гулсим Курманбаевна 1988 жылы 20 қаңтарда Маңғыстау облысы Маңғыстау ауданы Сайөтес ауылында туған. 2005 жылы Өтес орта мектебі бітірген соң, Ақтөбе мемлекеттік педагогикалық институтына түсіп, география пәні мұғалімі атанды. 2009 жылдан бастап еңбекке араласып, шәкірттер тәрбиелеуде. «Сейсмо-8» туристік-өлкетану командасына жетекшілік етеді. Санаты педагог-шебер.Шәкірттері облыстық, республикалық байқаулардың алтын медаль иегері. Гүлсім Құрманбайқызы Маңғыстау ауданы әкімінің «Жастар сыйлығы», «Жыл адамы» конкурстарының және Республикалық «Үздік педагог» төсбелгісі және «2019 жылдың үздік педагогі атағының иегері» 2019 жыл Қазақстанның ең үздік 10 мұғалімі қатарына еніп, «Әлем мұғалімі» жаһандық сыйлығының номинанты. «Өнегелі өмір жолы» атты жинақтарының мен «Жас турист» авторлық бағдарламасының авторларының бірі. «Жас ұлан» бірыңғай балалар мен жасөспірімдер ұйымы» республикалық қоғамдық бірлестігінің ұйымдастыруымен волонтер жылы аясында «birgemiz: Asyl Mura» жалпыұлттық жобасын жүзеге асырып, туған өлкенің тарихи-мәдени мұраларын насихаттайтын үздік волонтер-гидтерді дайындайды. 2013-2020 жылдары аралығында мектеп директорының тәрбие жөніндегі орынбасары қызметін атқарды. 2020 жылдан бастап «Өтес жалпы білім беретін мектебі» КММ-нің директоры қызметін атқарады. ҚР Білім және ғылым министрлігінен «Құрмет грамотасы» және «АЛҒЫС» хаттарымен марапатталған.