Мақсаты: Балалардың көңіл-күйін көтеру, достыққа, ұйымшылдыққа тәрбиелеу.
2026 жылы 1 маусым күні «Өтес жалпы білім беретін мектеп» КММ мектебінде «Балдәурен» жазғы сауықтыру лагерінің салтанатты ашылу рәсімі өткізілді.
Лагерьдің ашылу мақсаты – оқушылардың жазғы демалысын тиімді ұйымдастыру, бос уақытын мазмұнды өткізу, шығармашылық қабілеттерін дамыту, денсаулықтарын нығайту және достық қарым-қатынасты қалыптастыру.
Іс-шара барысында оқушыларды лагерь ережелерімен таныстыру жұмыстары жүргізілді. Ашылу салтанатында мерекелік әндер шырқалып, қызықты ойындар, сергіту жаттығулары, танымдық және көңілді сайыстар ұйымдастырылды. Балалар белсенді қатысып, көтеріңкі көңіл-күй сыйлаған түрлі тапсырмалар орындады. Сонымен қатар, топтық жұмыстар арқылы бір-бірімен жақынырақ танысып, достық қарым-қатынас орнатуға мүмкіндік алды.
Лагерьдің алғашқы күні ерекше әсерге толы болды. Оқушылар көтеріңкі көңіл-күймен қатысып, қызықты ойындар ойнап, шығармашылық тапсырмалар орындап, серуенге шықты. Балалардың жүзінен қуаныш пен шаттық байқалды. Іс-шара барысында қауіпсіздік ережелерін сақтау жөнінде түсіндіру жұмыстары да жүргізілді.
«Балдәурен» лагерінің ашылуы жоғары деңгейде ұйымдастырылып, оқушыларға жағымды әсер сыйлады. Балалар күнді қызықты әрі көңілді өткізіп, жазғы демалыстың алғашқы күнін ерекше көңіл-күймен қарсы алды.